Россий таҥасымаш

22 майыште Куяр посёлкышто курыкышто куржталме дене Российын чемпионатше да первенствыже эртаралтын. Таҥасымашке Российын 23 субъектше гыч спортсмен-влак толыныт. Тушто 18 ияш марте рвезе да ӱдыр-влак коклаште кумшо верым Марий Эл гыч Александр Максимов налын. 20 ияш марте юниор да юниорко-влак коклаште Росийын первенствыштыже кокымшо верышке Марий Эл Республикысе сборный командын еҥже, Морко районын шочшыжо Анна Сашина лектын.

Командный зачётышто Марий Эл Республикын сборный командыже нылымше верым налын. Икымше верышке Санкт-Петербургысо, кокымшо верышке Самара областьысе, кумшо верышке Чуваший Республикысе команде-влак лектыныт.