👥 Ярославль гыч Константин Панфилов Москосо ВДНХ-ште эртыше «Россий» тӱнямбал ончер-форумыш толшо-влак коклаште 10 миллионымшо еҥ лийын. Тудо выставкыш Екатерина пелашыж дене пырля миен.
«Россий» выставкын дирекцийже, «Росатом» Госкорпораций пӧръеҥлан Мурманскыш миен толаш сертификатым кучыктеныт. Тиде сертификат дене вате-марий «Ленин» атом ледоколым ужын кертыт. Тыгак «Атомфлот» универсальный ледоколыш да Кольский атомный электронстанцийыш экскурсий дене миен толын кертыт.
– «Россий» выставкыш икымше гана миенна. А тушто мыланна пиал шыргыжалын. Ме моткоч куаненна, — каласен Константин Панфилов.