Марий Элыште илыше пагалыме еҥ-влак!
Россий Конституций кече дене саламлем!
1993 ий 12 декабрь – Россий кугыжанышым ыштымаште у этапын тӱҥалтышыже. Шуко сеҥымашке элнан Тӱҥ законжылан кӧра шумо, вет тудо кӧн могай национальностян улмыжым, могай верам кучымыжым ончыде, кажне еҥлан тӧр правам пуэн.
Чыла шотыштат сайын илаш манын, системым чумырымо. Айдемын праваже да эрыкше, социальный аралтыш, федеральный рӱдер да регион-влак коклаште кылым ыштыме радам, бюджет политике, собственность, обороно йодыш-влак да молат – чылажат Россий Конституцийын положенийже почеш негызлалтеш.
2020 ийыште Марий Элыште илыше-влак уло Российын гражданже-влак дене пырля элнан Тӱҥ законжын уэмдыме редакцийже верч лийыныт. Общероссийский йӱклымаш годым сай акым налше вашталтыш-влак суверенитетлан да Россий Федерацийын тичмашлыкшылан аралтышым ыштеныт. Граждан-влакым социально аралыме, ешым, йоча-влакым, исторический чыным аралыме шотышто тӱҥ положенийже-влак у содержанийым налыныт.
Россий Президент Владимир Владимирович Путин кугыжанышнам пеҥгыдемдыме шотышто политикым наҥгая. Тудын темлымыж почеш регионлаште нацпроект-влак илышыш шыҥдаралтыт, нуныжо еҥ-влакын илышыштым саемдымашке да субъект-влакым вияҥдымашке виктаралтыныт.
Элын тӱҥ документшылан эҥертен, Марий Эл Республикын Правительствыже регионнан социально-экономический потенциалжым вияҥдыме да пеҥгыдемдыме, кугыжаныш парымым шагалемдыме, еҥ-влакын илышыштым саемдыме шотышто план почеш пашам ышта. Тений гына кугыжаныш парымым 900 млн утла теҥгелан шагалемдыме, ты шотышто паша умбакыжат ышталташ тӱҥалеш.
Марий Элыште илыше еҥ-влаклан пеҥгыде тазалыкым, сай илышым да Шочмо элын пеледшашыж верч тыршымаште у сеҥымаш-влакым тыланем.
Марий Эл Республикым вуйлатыше А.А.ЕВСТИФЕЕВ.