СОВЕТСКИЙ район Михайловка селаште Россий флагын кечыжлан пӧлеклалтше мероприятий-влак эртаралтыныт. Эрдене еҥ-влак верысе радио дене «Вьется над Россией флаг её судьбы» радиожурналым колыштыныт. Вара тысе тӱвыра пӧрт дек погынышо ял калыклан «Флаг – символ единства» историй дене палдарыме шагат эртен.
А Кужмарий тӱвыра пӧртын да книгагудын пашаеҥышт Ленин лӱмеш колхозын зернотокышкыжо миеныт. Нуно «Россий кинде – Российын тистыж йымалне» программым ямдыленыт.
Книгагудым вуйлатыше З.Иванова колхозышто тыршыше еҥ-влаклан пайрем нерген каласкален, а тӱвыра пашаеҥ-влак изирак концертым ончыктеныт.