Марий Элым Вуйлатыше Ю.Зайцев Росгвардийын Марий Элысе управленийыштыже тыршыше пашаеҥ ден военнослужащий-влаклан кугыжаныш да региональный наградым кучыктен.
Росгвардийын регионысо управленийжын «Таир» ОМОН спецподразделенийжын пашаеҥжылан Россий Президентын тауштымашыже толын. Тудын кокымшо саммитыш, «Россия-Африка» экономический да гуманитарный форумыш надырым пыштымыжым тыге аклыме.
Тыгак икмыняр еҥым служебный обязанностьым сайын шуктымылан да кӱкшӧ лектышыш шумылан «За заслуги перед Марий Эл» орденын медальже ден Марий Эл Правительствын тауштымашыж дене палемдыме.
Росгвардийын Марий Элысе управленийжым вуйлатыше, полицийын полковникше Александр Голуб тыгай акым пуымылан Марий Элым Вуйлатышылан тауштен.