Йошкар-Олаште «Роботехник-2024» республикысе таҥасымашым эртараш ямдылалтыт.
Тудо 18 майыште Волгатехын радиотехнический факультетыште лиеш. Ты таҥасымашыш школышто, колледжыште, техникумышто да университетыште тунемше-влак ушнен кертыт. Командыште ик-кок еҥ лийшаш.
Организатор-влакын сайтыштышт регистрацийым эртыман. Конкурс годым радиотехнический факультетын Почмо омса кечыже лиеш.