Советский район Роҥго селаште блочно-модульный ветеринар пункт почылтын. Тиде «Ветеринарное благополучие Республики Марий Эл на 2013-2030 годы» республикысе кугыжаныш программе почеш чоҥымо икымше объект.
Ты пашалан Марий Элысе бюджет гыч 7 млн теҥгем ойырымо. Пункт – каркасно-модульный конструкций, тудым вашке погаш да рончаш лиеш. Тушто смотровой да прививкым ыштыме, операционный кабинетла, ветаптеке улыт. У ветеринарный пункт 13 населённый пунктым обслуживатла.
Марий Элым Вуйлатышын пресс-службыжын фотожо.