Кодшо кечылаште Советский район Роҥго школышто еш форум эртаралтын. Тушко школ администраций, туныктышо, ача-ава, йоча-влак погыненыт. Икмыняр площадке пашам ыштен. Уна-влак Роҥго школысо краеведений тоштерын, школ театрын, лӱдыкшыдымылык школын мобильный отрядшын, «Лосенок» школ лесничествын пашашт дене палыме лийыныт, вальсым кушташ тунемыныт, шашке турнирыште таҥасен модыныт.