Ондак, пареҥге шарлымешке, ревым Руш мландыште пеш жапленыт. Марий-шамычат тудым ӱденыт. А ӱдаш манаш веле. Пырче пеш тыгыде: ик килошто — ик миллион. Тыглай ӱдаш жап шуко кая. Садлан оҥай йӧным шонен муыныт. Пырчым шӱведеныт. Тыге у профессий лектын. Рушлаже плевальщик маналтеш.
Плевальщик-влак коклаште чот мастар-влак лийыныт. Нуно аҥам ончалыныт да мыняр нӧшмӧ кӱлмым вигак каласен кертыныт. Тыгак шӱведышет (чот мастарже) вийымат, кужытымат шотышко налын.
Шошо ага годым уста шӱведышым тӱрлӧ семын шке могырыш савыраш толашеныт. Сайын ӱдымӧ реве сай лектышым пуэн. Тунам кресаньыкын ӱстембалныже реве гыч ыштыме тӱрлӧ кочкыш идалык мучко лыҥ лийын.
Слава Смирнов.
Морко район.