Тыгай ончерым 16 ноябрьыште МарГУ-н Р.А.Панова лӱмеш научный библиотекшын лудмо залыштыже почмо.
Тудым Россий МИД-н Историко-документальный департаментшын внешний политике архивше ямдылен да СССР-ын йотэл паша шотышто калык комиссарже Г.В.Чичеринын шочмыжлан 150 ий теммылан пӧлеклен. Революционер, кугыжаныш пашаеҥ, дипломат, талантан пианист А.Моцартын творчествыжым шымлен. Ончерыште совет элысе дипломатийын 1917 ий гыч вияҥмыж нерген палдарыме.