«РЕСПУБЛИКА» брейк-данс командылан — 10 ий!

Кызытсе самырык тукымым мо сымыстара? Гаджет манын шоналтыше-влаклан тиде статья поснак пайдале лиеш, очыни. Брейк-дансым куштышо ӱдыр-рвезе-влакым телефонын экранже дене от ӧрыктаре. Нуно шке кӧм кӱлеш, ӧрыктарат. Йошкар-Оласе «Республика» команде 10 ияш пайремым эртараш ямдылалтеш. Концерт 23 апрельыште 18.00 шагатлан тӱҥалеш.

Брейк-дансын историйже Нью-Йоркын ик эн йорло районыштыжо 1960 ийлаште тӱҥалын. 1970 ийлаште баттл (ваштареш шогалын ӱчашен куштымаш) семын таҥасымаш лектын. Куштымаш нерген уло тӱня 1980 ийлаште пален налын.

Мемнан элышкына ты куштымаш 1985 ийыште толын да тыманмеш самырык-влак коклаште шарлен. Тачысе кечым налаш гын, эн сайын брейк-данс дене куштышо-влакым Red Bull BC One тӱнямбалысе таҥасымаш чумыра. 2004 ий гыч тӱҥалын, тиде таҥасымаш ий еда 16 эн сай би-бой ден би-гёрлым (брейк-дансым куштышо-влакым) чумыра.

Брейк-дансым кеҥежымсе Олимпиадын программышкыже пуртымо!

СТАТЬЯМ 16 апрельыште лекше газетыштына лудын кертыда!