Олаште могай кумдыкым тӱзаташ кӱлмым рашемдаш полшышо йӱклымаш Россий мучко эрта. Марий Элыште илыше-влакат ты проектыш ушнен кертыт. Благоустройство объект-влаклан йӱклаш za.gorodsreda.ru платформым ыштеныт. Ты проектыш ушнаш 24 февраль гыч регистрацийым эрташ лиеш.
Вич арня жапыште, 26 апрель гыч 30 май марте, 14 ияш деч кугурак ийготан кажне кумылан еҥ йӱклымашке ушнен кертеш. Эн шуко баллым погышо объект-влакым вес ийлан ыштышаш планыш пуртат. Но ты информаций дене палдараш еҥ-влак кӱлыт. Тыйын тыгай кумылет уло гын, 22 март йотке https://dobro.ru/event/10041785 ссылке почеш йодмашым кодаш лиеш.
Марий Элыште тидлан региональный штаб ышталтын. Тудлан Республикысе Чоҥымаш, архитектур да ЖКХ озанлык ден Марий Эл Республикын самырык-влакын политикышт, спорт да туризм министерствыже вуйын шогат.
Йошкар-Ола, Волжск да Козьмодемьянск олаласе муниципальный штаблаште вуйлатыше-влак пале улыт.