«Снеге тургым» конкурсыш ушнышо да пӧлекым сеҥен налше Регина Актуганова ден Мария ӱдыржӧ таче «Кугарня» газет редакцийышкына унала толыныт.
Поро унана лудшына-влакым конкурсыш ушнаш кумылаҥдат да тачысе Еш, йӧратымаш да ӱшанле улмо кече дене саламлат:
«Чыла ӱдыр-качылан пелашым муаш, а ешаҥше-влаклан икте-весым ваш-ваш пагалаш тыланем. Тиде кече тыглай огыл: Шнуй Пётр ден Феврония, йӧратымашыштым шотыш налын, 8 июльым палемдаш тӱҥалыныт. Садлан тек нине мужыр семынак кажне еш пиалан, икте-весылан ӱшан, эҥертыш лийын шогат».
8 июльышто Россий мучко «День без разводов» акций эртаралтеш.
Марий Элысе ЗАГС пӧлка-влакат ешым шӧрымӧ йодмашым таче налын огытыл.