15 февральыште эрдене Марий Эл гыч куд автомашинан колонно тора корныш тарванен. Нуно Украинысе специальный военный операцийыште мемнан республик гыч контракт почеш служитлыше, доброволец ден мобилизоватлыме-шамычлан, тыгак Российын у регионлаштыже илыше калыклан 40 наре тонн гуманитарный полышым наҥгаят.
Гуманитарный полышым погымо годым ӧрдыжеш иктат кодын огыл, республикысе кажне район да ола ушненыт, мер ушем-влакат кугу полышым пуэныт. Шокшо вургемым, эмым, кочкыш сатум, вӱдым, канцеляр сатум, коҥга ден палатке-влакым, бытовой техникым да эше шуко молымат землякна-влаклан колтымо. Республикысе боксёр-влак сообщество, мутлан, командир-влаклан кум УАЗ автомашинам колтен. Боец-влаклан икшывышт, родо-тукымышт серышым возеныт, нунымат намиен шуктат.
Тыгай гуманитарный полышым Марий Эл умбакыжат ышта. Республик Вуйлатыше Ю.Зайцевын Указше почеш, 28 февральыште Марий Эл гыч пиломатериалым колташ палемдыме, тудын дене СВО-н участникше-влак блиндажыште пайдаланышаш улыт.
Фотом «Молодёжка Народного Фронта – Марий Эл» соцкыл тӱшка гыч налме.