Эл ваштареш ит кай
Элын интересшым ужалымылан, тушман велыш куснымылан кугурак наказанийым ыштыме шотышто Кугыжаныш Думышко законопроектым пуртат.
Тидлан ӱмырешланат эрык деч посна кодаш темлат. Кызыт, РФ УК-н 275-ше статьяж дене келшышын, тыгай осал пашалан 20 ий марте эрык деч посна коден кертыт, тыгодымак 500 тӱжем марте штрафым тӱлыктат.
Автомашина
Казахстан гыч Российыш тений 8 тылзыште ӱмашсе тыгаяк жап дене таҥастарымаште автомашинам 15 пачаш шукырак кондымо. Чылаже 6500 машина толын.
Тыгодымак россиян-влак тушеч машинам шкешт конден огыт керт. ЕАЭС-ыш пурышо эллаште единый экономический пространстве манмым шуктышаш улыт. Молан манаш гын Казахстан Тӱнямбал ужалыше организацийыш пурен. А тушто иземдыме да нулевой ставке дене таможенный пошлиным тӱлен, ужалаш чаралтеш. У машиналан ак элыштына 22 процентлан кушкын. Тудо кокла шот дене 2 млн 290 тӱжем теҥгешке шуын.
…
Моло увер — «Кугарня» газетын 3-шо лаштыкыштыже.