Налог шотышто федеральный службын Марий Эл Республикысе управленийжын специалистше-влак, 2021 ийлан погылан налогым тӱлымӧ дене кылдалтше йодыш-влакым рашемдаш манын, еҥ-влак деке шке лектын коштыт.
Ты гана «Мобильный офисышт» Йошкар-Оласе Рӱдӧ пазарыште верлана. Йодышда уло гын, 22 да 29 октябрьыште, 12, 19 да 26 ноябрьыште 11 шагат гыч 14 шагат марте миен кертыда. Мийыше-влак налогым тӱлаш квитанцийым туштак налын кертыт.