Марий Элысе тунемше-влаклан пытартыш йыҥгыр 24 майыште йоҥгалтеш
Россий Федерацийын просвещений министерствыже 2025 ийыште выпускник-влаклан мероприятийлам эртарыме кечым увертарен.
Йӱла почеш Российыште пытартыш йыҥгыр 25 майыште йоҥга. Но 2025 ийыште тиде кече рушарнялан возеш, сандене 9-ше ден 11-ше класслан пытартыш йыҥгыр шуматкечын, 24 майыште, лиеш.
А теве выпускной касым Просвещений министерстве 2025 ийыште шуматкечын, 28 июньышто, эртараш темла.
И.Речкинын фотожо.