17-21 сентябрьыште Нижний Новгород олаште Самырык-влакын тӱнямбал фестивальыштын Икымше слётшо эртаралтын. Тушко Россий гыч веле огыл, моло эл гычат 2000 наре чолга ӱдыр-рвезе (14-17 ияш-шамыч) ушнен. Нунын коклаште – Марий Эл гыч самырык-шамычат.
Участник-шамыч тӱрлӧ аланыште: медиа да креативный индустрий, спорт, науко да образований, IT да предпринимательстве, кугыжаныш управлений – чолгалыкыштым ончыктеныт.
Ты фестиваль шкешотан интерактивный площадкылан шотлалтеш. Тушто ӱдыр-рвезе-шамыч тӱнямбал кӱкшытан проблеме-шамыч деч утлаш йӧным пырля кычалыт да шке инициативышт дене вашла палдарат. Тений программыш икымше гана «йоча трекым» пуртеныт. Россий гыч 100 ӱдыр рвезе да йотэлла гыч тынарак йоча фестивальын тӱҥ направленийлаж дене шке проектыштым ямдыленыт.
Ян Речкин, Марий Эл гыч слётын участникше:
– Слётым почмашыжак мом шоген, тушто тӱрлӧ эл гыч палыме еҥ-влак выступатленыт. Программыш ятыр оҥай мастер-классым, лекцийым, площадкым пуртеныт. Росмолодёжын вуйлатышыже Григорий Гуров моло пагалыме еҥ выступатленыт. Мурызо Тимур Родригез касым сӧрастарен.
Эн тӱҥжӧ – слёт годым ятыр оҥай еҥ дене палыме лийынам.
«Молодёжь Марий Эл» ВК-се тӱшка гыч налме фото.