Японский теҥыз воктене «Океан» всероссийский рӱдерыште школласе медиарӱдерыш коштшо чолга ӱдыр-рвезе-влаклан «МедиаЛаб» смене шке пашажым тӱҥалын. Йошкар-Оласе Бауман лицейын тунемшыже Елена Мамаеваланат тушко каяш пиал шыргыжалын.
Российын чыла регионжо гыч 13-17 ияш 200 утла тунемше погынен. Нуно кум арня жапыште контентым ышташ, медиарӱдерын пашажым вияҥден колташ, коллективыште шкем кучаш тунемыт, кумдан палыме журналист да блогер-влак дене вашлийыт.
Марий Элысе Образований да науко министерствын ВК-се тӱшкаж гыч налме фото.