Кефир деч ыштыме маске ӱпым сайын вӱдыжтара, йылгыжтара, кушта. Тудо кеч-могай ӱплан келшен толеш.
Кукшо ӱплан кум процентан кефирым кучылтса, ӱян ӱплан – ик процентаным. Ырыктыме кефирым ӱпыш йыгыза да 30-40 минут кучыза, вара йӱштырак вӱд дене мушкын колтыза.
Локтылалтше ӱпым шотыш кондаш банан полша. Банан сайын шушо, шемемше шӱман лийшаш. Ик бананым пушкыдемдыза да тушко ик кугу совла ӱмбалым, ик муноптемым, ик изи совла мӱйым ешарыза. Чыла тидым сайын лугыза да ӱпыш йыгыза, полиэтилен пакетым да солыкым пӱтырен шындыза, вара – солыкым. Шагат эртымеке, вӱд дене мушкын колтыза.