25 майыште Российыште йоча туристический кешбэк программе почеш пашам тӱҥалыныт: йоча лагерьыш налме путёвко ак гыч 50% оксам ача-ава-влаклан пӧртылтат.
- Ты программе дене путёвкым 31 август марте налаш лиеш.
- 50% оксам кажне путёвкылан пӧртылтат (ик йоча икмыняр сменыште канен кертеш, кажне гана кешбэк лиеш).
- Йоча кеч-могай еш гыч, кеч-могай ийготан лийын кертеш.
- Программышке стационарный лагерь-влакым веле пуртымо.
Марий Эл Правительстве председательын икымше алмаштышыже, йоча каныш шотышто межведомственный пашаче группым вуйлатыше М.З.Васютин:
– Тений йоча канышлан республикысе бюджет гыч 55 млн утла теҥгем колтымо, 10 миллионат пеле – муниципальный образований-влакын бюджетышт гыч ойырымо да эше 27 миллион теҥге – амалкалче, НКО да ача-ава кӱшеш.
«Йоча туристический кешбэк», «Туристический кешбэк», «Студент да тунемше-влаклан кешбэк» программе-влак нерген 4 июньышто лекше газетыштына лудса!