24 сентябрьыште республикысе Национальный художественный галерейыште «Пути/Дороги» выставочный проект почылтын.
Ончерыш мийыше уна-влаклан Ярославский художественный тоштерын погыж гыч XIX курымысо — ХХ курым тӱҥалтышысе живописьым ончыктеныт. Тудо руш тӱвыран ик эн тӱҥ символжылан – корнылан – пӧлеклалтеш. Мероприятийыш Марий Эл Правительстве Председательын алмаштышыже – тӱвыра, печать да калык-влакын пашашт шотышто министр Константин Иванов миен. Уна-воакым «Марий кундем» калык икструмент-влакын оркестрышт куандарен.
Ончерыш 19 январь марте мияш лиеш. Галерей 10 гыч 18 шагат марте кажне кечын (шочмын деч посна) пашам ышта.