Марий Эл Российысе кызытсе тӱвыра политикын ик эн кӱлешан инициативыжым — «Пушкин карте» программым – ӱшанлын илышыш шыҥдара.
Проект ынде ныл ий кундемыштына илыше самырык еҥ-влаклан театр, тоштер да концерт площадкылашке кошташ сай йӧным ышта. Тиде жапыште 66 тӱжем утла подростко ден студент «Пушкин карте» дене пайдаланеныт, тыге 152 миллион теҥгем кучылтыныт. Идалык тӱҥалтыш гыч тӱвыра тӧнежлашке мийыше картын чолга пайдаланышыже 31 тӱжем еҥ лийын. Самырык-влак коклаште эн кумдан палыме направленийлан кинотеатр, театр да тоштер шотлалтыт.
Марий Эл программым илышыш шыҥдарымым комплексно аклыме шотышто Российыште 13-шо верым, Юл кундем федеральный округышто 6-шо верым айла.
Ончылно паша шуко: у организаций-влакым ушымаш, культурно-просветительский программе-влакым ыштымаш да потенциальный участник-влак коклаште шинчымашым нӧлтымаш.