Тений мартыште Марий Элыште 14 ияш гыч 22 ияш марте ӱдыр-рвезе-влак Пушкин карте дене пайдаланен, республикысе тӱвыра учрежденийлашке каяш 6 тӱжем утла билетым налыныт.
Эн шуко билетым Э.Сапаев лӱмеш опер да балет Марий кугыжаныш академический театр ужален. Тыште 7 тылзыште 11 тӱжем билетым налыныт.
Тоштер-влак кокла гыч Козьмодемьянск оласе культурно-исторический комплексыш Пушкин карте дене 3,5 тӱжем утла еҥ пурен.
Тыгак У Торъял клуб системе (910 билет), Йошкар-Оласе С.Чавайн лӱмеш Национальный книгагудо (370 билет) ойыртемалтыныт.