Тений январьыште Марий Элысе тӱвыра учрежденийлашке самырык-влак «Пушкин карте» дене 12,7 тӱжем утла билетым налыныт.
Ятырын Марий Эл Республикысе Изосымыктыш тоштерыште эртаралтше мероприятийлаште (1798 билет) лийыныт, тыгак – Э. Сапаев лӱмеш опер да балет академический театрыште (1725 билет) да Курыкмарий районысо рӱдӧ клуб системыште (1353 билет).
Январьыште утларакше «Вишнёвый сад» спектакльым, Изосымыктыш тоштерын «Дорогой жизни в Марий Эл» уш-акылым пойдарыме тоштер программым, Йошкар-Оласе куснылшо планетарийыште шанче да уш-акылым пойдарыме программыжым, «Студизм» концертым да «Манифест дочерей» музыкально-хореографический триптихым онченыт.
Январьыште самырык-влак 5000 наре билетым театрлаш налыныт, 2,6 тӱжем утла – музей ден галерейыш, тыгак районласе кинозаллаш, 2000 наре – тӱвыра полат ден клублаш.