Таче 6 шагатлан Йошкар-Олаште Lada машинан водительже пушеҥгыш керылтын да верыштак колен.
Эҥгек Карл Маркс уремыште 114 №-ан пӧрт воктене лийын. Ончылгоч пале, 63 ияш пӧръеҥ машинажым виктарен моштен огыл да пушеҥгыш керылтын. Салонышто лийше пассажир нелын сусырген, тудым больницыш наҥгаеныт.
ДТП жапыште автомобиль салонышто лӱдыкшыдымылык ӱштым нигӧ пижыктен огыл.
Кызыт аварийын амалже рашемдалтеш. Верыште полиций пашаеҥ-влак пашам ыштат.
