Параньга – Алашайка – Пӧртчара автокорно воктенысе чодыра участкыште Параньга районышто илыше 36 ияш пӧръеҥ 60 утла кожым, пӱнчым да ваштарым закондымын руэн. А нуным лумым авыраш шындыме улмаш. Марий Элысе чодыра фондлан 21 тӱжем утла теҥгеаш эҥгек ышталтын.
Параньга районын прокуратуржо материалым правам аралыме органыш колтен. Тушто РФ УК-н 260 статьяжын 1-ше ужашыж почеш уголовный делам тарватеныт.
Ситуацийым прокуратур терга.