Марий Элыште пудий-влакын чолга улмышт лум шулымо деч вара март-апрель тылзылаште тӱҥалеш да октябрь марте шуйна.
11 апрельыште республикыштына пудийын айдеме капыш пурен шичмыжым икымше гана палемдыме. Медведево районысо Знаменский посёлкышто 11 ияш рвезым пудий пурын.
Мут толмашеш, 2021 ийыште икымше 8 апрельыште пудийын пижмыжым палемденыт.
Пудийым пудий инфекцийлан вирусологий лабораторийыште тергеныт, нимат муын огытыл.
Республикысе Роспотребнадзор управленийын пашаеҥышт кажне арнян медорганизацийлаш коштыт, вирусан пудий ваштареш иммунитетым пеҥгыдемдыме вакцинын улмыжым тергат. 11-ше апрельлан 686 еҥлан прививкым ыштеныт.