Май тӱҥалтыште шукынжо чодыраш каяш вашкеда докан. Но шарныза: пудий пурлын кертеш.
26 апрель марте республикыштына пудий пурлмо шотышто 20 еҥ эмлымверыш миен.
Тыгодым 25 процент случайыште пудий чодыраште але ял воктенысе пушеҥган верыште пурлын, 55% – илыме верыште, 15% – сад участкылаште, 5% – республик деч ӧрдыжтӧ. Анализым налмеке, рашемын: 2 еҥын пудий боррелиоз, энцефалит вирусын антигенжым мумо огыл. Апрель марте ты шотышто прививкым 657 еҥ ыштен.
Шарныза: эндимиян элыш кайыме деч кок арня ончыч прививкым ыштыман.