Врач-эпидемиолог Г.Онищенко пудий энцефалит чер дене посна кундемлаште утларак эмганен кертме нерген радамлен ойлен.
Тудо Рӱдӧ федеральный округысо ныл кундемым (Ярославль, Тверь, Моско да Кострома областьлам) ойырен каласен. Теве Ярославль областьыште чылаже 23 административный кумдык уло, тышеч 18 верыштыже ты шотышто лӱдыкшым шочыкта. Тверь областьыште 10 тыгай кундемым палемден, Моско областьыште – Дмитровский ден Талдомский район-влак. Кострома областьыште гын чыла вережат ты черым пижыкташ лиеш. А Смоленск, Рязань, Орёл областьлаште пудий энцефалит шотышто лӱдаш нимолан.