Пӱртус лоҥгаште коштмо годым шекланыза: пудий пижын кертеш!
Тений пудий пижме нерген чылаже 1132 еҥ шижтарен, тышеч 23% – 13 ий деч изирак-влак. 7-13 июньышто 106 еҥ пудий дене «вашлийын». Таче марте пудий пурлмылан кӧра иксовидный боррелиоз чер дене 5 еҥ черланен.
Роспотребнадзорын Марий Элысе управленийжын палемдымыж почеш, пудий чодыраште веле огыл, илемла воктенысе пушеҥган верлаште, населенный пунктлаште, садлаште, парк ден скверлаште, южгунам шӱгарлаштат пижын кертеш.