Кодшо кугарнян Звенигово район Чакмарий школышто «Звенигово районышто марла кутырымаш да марий йылмым тӱвырам ончыктымыж годым кучылтмаш» теме дене «йыргешке ӱстел» эртаралте.
Тушко Звенигово район вуйлатышын социальный йодышыж дене алмаштышыже О.Н.Михайлова, Марий калык конгрессым вуйлатыше Э.А.Иманаев, культурологий доктор Г.Е.Шкалина, «Мари ушем» вуйлатыше В.Г.Петров, школлаште, йочасадлаште марий йылмым туныктышо, книгагудо ден тӱвыра полатласе пашаеҥ, мер организацийын да тӱрлӧ клубын еҥышт чумыргеныт.
Туныктымо паша
Тунемме тӧнежыш пурымеке, школын директоржо да чолга мер пашаеҥ В.Г.Кашков кумшо пачашысе коридорышто келыштарыме шкешотан Чап тоштер нерген каласкалыш. Чынжымак, тыште шымлыме пашам ятыр ыштыме, стенд-влакым сылнештарыме шотыштат оформительлан шуко тыршаш логалын. Кажныже ятыр еҥ дене кӱчыкын палдара, а ик лӱм але шомак шеҥгелне – элнан кугу историйже…
Владимир Геннадьевич Кашковын марий шӱлышан улмыжо куандара: марий тувырым чиен, экскурсийым марла эртарыш, йоча-влак дене пырля инсценировкыш лектын. Варажымат «йыргешке ӱстел» тӱрыс марла эртаралте.
УМБАКЫЖЕ — «Кугарня» газетын 10 мартысе номерыштыже.
