Провой кундемыште Чуркан ер воктене, чодыраште, верысе калык боеприпасым муын.
Марий Элысе Россгвардийын «Таир» ОМОН управленийжын специалистше-влак мумо явалам шымленыт да тыгай иктешлымашым лкутыныт: тиде П-50Ш тунемме-практический авиабомбо, тудо пудештме вещества деч посна, садлан лӱдыкшӧ огыл.
Боеприпасым полиций пашаеҥ-влак умбакыже эше шымлат.
Росгвардеец-влак ушештарат: умылаш лийдыме але палыдыме арверым ужыда гын, тудым тукалман огыл (ончаш, кучылташ, нӧлталаш да вес вере намиен пыштат). Тыгай годым вигак полицийыш йыҥгыртыман.