Прокурорын йодмыжым шуктен огыл

Оршанке районысо прокуратур Оршанке районысо администрацийыште еҥ-влакын йодмыштым ончымо радамым шуктымым терген.

Пале лийын: администраций пӧлкан должностной лицаже-влак тыште илыше ик еҥын йодмашыжым ончымо радамым шуктен огытыл. Титакан-влакым дисциплинарно да административно мут кучаш шогалтыме. Туге гынат прокурорын йодмыжым палемдыме жапыште шуктен огытыл.

Оршанке районын прокуратуржо район администраций пӧлкам вуйлатыше шотышто РФ КоАП-н 17.7 статьяже (прокурорын законло йодмашыжым шуктыдымаш) почеш административный правонарушений шотышто делам тарватен. Мировой судьян пунчалже почеш должностной лицалан кок тӱжем теҥге штрафым тӱлыкташ палемдыме.