Марий Элым вуйлатыше Александр Евстифеев прокуратур пашаеҥ-влакым да ветераныштым профессионал кечышт дене саламлен.
2022 ийыште Россий прокуратурын шочмыжлан 300 ий темеш. А.Евстифеевын ойлымыж почеш, тиде ведомство тӱрлӧ неле реформо йыжыҥым эртен да кызыт тудо правам эскерыше орган-влак коклаште тӱҥ верым налын шога.
«Марий Эл Республикын прокуратурыштыжо кызыт кӱшыл квалификациян пашаеҥ-влак тыршат, нуно шке илышыштым кугыжанышын интересше, граждан-влакын праваштым да эрыкыштым аралыме дене кылденыт.
Те шинчымашдам да моштымашдам эре шуареда. Тидыже тыланда неле йодышым решатлыме годым полша», – каласен республик вуйлатыше.
«Калыкын суаплыкше да кугыжаныш политикын пайдалыкше прокуратур пашаеҥ-влакын пашашт деч шога», – ешарен А.Евстифеев да прокуратур пашаеҥ-влаклан сеҥымашым, тазалыкым, пиалым да суаплыкым тыланен.