8 февральыште Россий Социальный фондын Марий Эл Республикысе отделенийжым вуйлатыше Владимир Орехов производствышто ондак эмганыше куд еҥлан Lada Granta у машина деч сравочым кучыктен.
Машина-влакым у оза-влакын ойыртемыштым шотыш налын оборудоватлыме.
Тыгай спецавтомобильым шым ийлан пуат. Ты жапыште Российын Социальный фондшо автомобильым олмыктымылан, горюче-смазочный материалым налмылан кайыше роскотын ик ужашыжлан оксам пӧртылта, тыгак капитально олмыктымылан автомобиль акын 30 процентшым пӧртылта.
Ушештарат: спецтранспортым производствышто сусыргымылан кӧра йол деч посна кодшо еҥ-влаклан пуат. Тыгай транспорт кӱлмым медико-социальный экспертизе палемда.
Фонд машинам производствышто сусыргышо да профессиональный чер дене черланыше-влаклан 20 ий ойыра. Ты жапыште Марий Элыште 225 машинам пуэныт.
СФР-н Марий Элысе пӧлкажын фото-влак.