«Герои Марий Эл. Талешке-влак» программышке СВО-н ветеранже Иван Таратин ушнен
Специальный военный операцийын участникше «Герои Марий Эл. Талешке-влак» регионысо программыште молан ушнымыж нерген каласкален. Ветеранын мутшо почеш, тудын вуйлатыме опытшо уло – передовойыште рота командирын алмаштышыжын сомылжым шуктен.
Иванын шонымыж почеш, ты программе вияҥаш, шке шинчымашым пашаште кучылташ да тыныс илышыште республиклан пайдам кондаш йӧным пуа. Тудо тыгак программын социальный координаторжо-влак могырым полышым палемден. Нуно кажне этапыште ой-каҥашым пуат, информацийым кычалаш полшат. Боец ончылгоч ойырен налме отборым да тестированийым эртен.