СВО участник Евгений Соколов «Герои Марий Эл. Талешке-влак» программыш ушнаш кумылан улмыж нерген каласкален.
«Тиде программыште участвоватлаш мыйын вием уло манын умылем. Россий Федерацийын «Герой-влакын жапышт» проектышке ушнымо опытемат уло. Кугыжанышланна образований сферыштак утларак пайдам пуэн кертам манын шонем, вет тидыже мылам лишылрак. Мый эре тунемынам да элемлан пайдале лийнем», – ойла спецоперацийын участникше.
Евгений Соколов гай еҥ-влак мемнан жапысе Герой улыт.
Нуно Шочмо элым аралат веле огыл, тыгак тыныс илышыште служитлат, шке шинчымашыштым, опытыштым кушкын толшо тукымлан пуэн шогат.