«Герои Марий Эл. Талешке-влак» кадр программын кӱлешан йыжыҥже тӱҥалеш – очно мутланымаш. Кажне участник, специалист дене вашлийын, шке профессионал компетенцийжым да умбакыже вияҥаш шонымыжым каҥаша.
Чыла мутланымашын иктешлымашыже почеш ик команде чумыралтеш. Тудо тунеммашым эрта да мемнан регионым вияҥдымашке надырым пышта.
«Герои Марий Эл. Талешке-влак» «Время героев» федерал инициативе почеш ышталтын да Россий Президентын темлымыж почеш илышыш шыҥдаралтеш. Тиде проект СВО-што участвоватлыше-влаклан кӱлешан полыш лиеш, нунылан шке опытыштым да моштымашыштым республикысе сай илыш верч кучылташ йӧным пуа.