Специальный военный операцийын ветеранже ден участникше-влакым туныктымо шотышто «Герои Марий Эл. Талешке-влак» регионысо кадр-влакым ямдылыме программым официально почмо. Мероприятийыште Марий Элым Вуйлатыше Юрий Зайцев лийын.
Программын инициативыже – Россий Президент Владимир Путинын «Время героев» программыжым умбакыже шуйымаш.
Тений шошо гыч тушко икымше участник-влакым погымо. Тушко спецоперацийын 19 ветеранже пурен, кызыт нуно шинчымашым погат.
«Герой-влаклан лектышан тунеммашым тыланем. Ӱшанем: нунын шинчымашышт да опытышт Российлан служитлаш тыршымаште — фронтыштат, граждан илышыштат – куатле эҥертыш лийыт. Пырля Президент Владимир Владимирович Путинын шындыме задачыже-влакым шуктен, кугу элнан чумыр сеҥымашыжым лишемден, ончыко гына каяш тӱҥалына», – ойлен Юрий Викторович.
Марий Элым Вуйлатышын пресс-службыжын фотожо.