
Марий Элысе школьник-влаклан ончыкылык профессийым ойырен налаш полшат.
Йошкар-Оласе школлаште Российысе «Знание» обществын Знание.Карьера трекшын мероприятийже-влак эртат. Тыге 28-ше №-ан лицейын 5-ше классыштыже тунемше-влаклан «Кузе ончыклык профессийым ойыраш?» лекций эртен.
Руш йылме да литератур туныктышо, юрист Инна Гаранина йоча-влаклан профессийым ойырен налмаш илышыште чот кӱлешан улмо нерген каласкален. Лекций жапыште тунемше-шамыч шуко пайдале информацийым пален налыныт.