Кызыт Российыште «Университетысе смене-влак» эртаралтыт.
Ты туныктымо да туристский программе ӱдыр-рвезе-шамычлан икте-весе дене палыме лияш, чонлан лишыл профессий нерген утларак пален налаш да шкем студент олмышто терген ончаш йӧным ышта.
Марий Эл гычат икмыняр самырык еҥ ты кеҥежым Российын тӱрлӧ вузышкыжо кая. Нунын кокла гыч иктыже – Медведево посёлкысо 3-шо номеран школышто тунемше Яна Скрипкина. Яналан Москосо Управлений кугыжаныш университетыш логалаш пиал шыргыжалын.
– Ты программылан кӧра у еҥ-влак дене палыме лийынам, шуко ум пален налынам. Мый юрист лийнем, Управлений кугыжаныш университетыш толмо дене шке шонымашем илышыш пурташ эше ик ошкылым ыштенам, – манеш ӱдыр.
Марий Элысе Образований да науко министерствын сайтше гыч налме фото.