«Марий Элын Талешкыже-влак» проектыш ушнаш 100 утла СВО ветеран йодмашым пуэн.
Ты регионысо программыш йодмашым погымо паша умбакыже шуйна. Тудо «Время героев» федерал кадр-влак проектын аналогшылан шотлалтеш да спецоперацийысе ветеран-влакым кугыжаныш да муниципальный пашалан ямдыла.
Шке анкетыштым 100 утла еҥ колтен. Нунын кокла гыч иктыже – Алексей Суворов. Тудо Марий Турек ола шотан администрацийын ончычсо вуйлатышыже, СВО-што сусыргымеке, мӧҥгыжӧ пӧртылын.
Программыш ушнаш 18 апрель марте герои-марий-эл.рф. сайтыште регистрацийым эртыман. Кандидат-влакым август мучаште – сентябрь тӱҥалтыште туныкташ тӱҥалшаш улыт.
«ВЕСТИ. Марий Элын» репортажше гыч налме скриншот.