Проектым возаш ит ӧркане!

Марий Элысе образований да науко министерствын сайтше гыч налме фото.

13 февраль гыч 26 март марте Марий Элысе Йоча технический усталык рӱдер тунемше-влаклан «ИДЕЯ-2023» научно-технический проект-влакым ямдылыме шотышто республикысе конкурсым увертарен.

Тудо Марий Элысе образований да науко министерствын полшымыж дене эртаралтеш.

Ныл номинацийым пуртымо: промышленный технологий ден робототехнике; декоративно-прикладной усталык паша, моделирований, прототипирований; социальный инноваций; информационный технологий. Шкетын ямдылыме, тыгак тӱшка пашам пуаш лиеш. Участник-влак проектым аралышаш улыт.

Конкурс нерген утларак пален налаш манын, ты рӱдерын электрон почтышкыжо cttuclub@mail.ru возен колтыман.