Проектше дене сеҥен

Марий Элысе Образований да науком министерствын сайтше гыч налме фото.

Козьмодемьянск оласе «Дарование» школ-интернатыште 11-ше классыште тунемше В.Яшина «Исследую и практикую» общероссийский конкурсын «Эн сай социальный проект» номинацийыштыже сеҥышыш лектын.

Проект-влак дене кылдалтше тыгай конкурсым «Просвещений» издательстве эртарен. Участник-влакын 200 наре проект пашаштым аклыме. Сеҥыше-влакым ныл номинаций почеш палемдыме.

Виктория Яшинан (туныктышыжо – Т.В.Бердникова) проект пашаже «Дарование» тазалыкым пеҥгыдемдыме лагерьыште кушкын толшо тукымым патриотизм шӱлышеш куштымо дене кылдалтын.

Школ деч вара ӱдыр туныктышо лияш шона.  Проектше тыгай мастарлыкшым почын пуаш полшышаш.