Россий Президент В.В.Путинын кӱштымыж почеш Марий Эл Республикын подшефный Запорожский областьысе Куйбышевский районышкыжо паша дене мийыме годым, «Без срока давности» проектат илышыш шыҥдаралтын. Тушто Кугу Ачамланде сар жапыште нацист-влакын осалланымышт нерген ончерым почмо, тудо жапысе фашист-влакын шучко поступкышт нерген лекцийым эртарыме. Лекций жапыште кугурак классыште тунемше-шамыч йодыш-влакым пуэн кертыныт. Тыгай туткар-влакым уэш шарналташ уто огыл манын, историйым палаш кӱлмӧ нерген палемденыт.
Проектым «Знание» Обществын регионысо пӧлка, РВИО регионысо пӧлка, «Воскресение» студент кычалше отряд да Марий кугыжаныш университет организоватленыт.