Йошкар-Олаште призывник-влаклан консультационно-правовой пункт лиеш.
Вашке шошо призыв тӱҥалеш. Сандене ончыкылык салтак да ача-ава-влакын йодышыштлан вашмутым пуаш манын, армийын 19-ше военный прокуратуржо (56680 №-ан войсковая часть) Йошкар-Олаште тыгай верым почеш. Кеч пункт Марий кундемын рӱдолаштыже шотлалтеш гынат, приём Речной посёлкышто эртаралтеш. Лекше йодышым (8 (8362)) 22-97-46 телефон номер дене рашемдаш лиеш.
Интернет гыч налме фото.