ПРЕСС-РЕЛИЗ 
25 март гыч 29 апрель марте (кажне шуматкечын) Йошкар-Олаште В.М.Васильев лӱмеш МарНИИЯЛИ-ште «Культура публичной речи» научно-просветительский акций эрта. Курс-влакым филологий шанче доктор, МарНИИЯЛИ-н тӱҥ шанче пашаеҥже Любовь Алексеевна Абукаева эртара.
Мероприятийын презентацийже 25 мартыште 10 шагатлан тӱҥалеш.
Акцийыш ушнышо-влак калык ончылно выступатлен моштымым вияҥдаш, аудиторийын тӱткышыжым шке век виктараш, йодышлан чын вашешташ, ӱшандарен кутыраш тунемыт. Тунеммаште 90 процент жап практике ден упражнений-влаклан ойыралтеш.
Ты курсыш 18 ияш деч кугурак кажне кумылан еҥым вучат.
Тыгай адрес дене мийыман: Йошкар-Ола, Йошкар Армий урем, 44 №-ан пӧрт, конференц-зал (4 пачаш, 406 каб).
Йодмашым Л.А.Абукаевалан 89371130277 номер дене 9.30 гыч 16.30 марте колтыман. Тыгак sylne@mail.ru. электрон почтыш колташ лиеш. Йодмашыште ФИО-м, телефон номерым ончыктыман да шке нерген кӱчыкын возен колтыман.