19 февральыште Россий ФССП-н Марий Эл Республикысе пӧлкажым вуйлатыше А.Иванов журналист-влак дене вашлийын.
Анатолий Юрьевич 2020 ийыште могай паша шукталтме да тенийлан ыштышаш паша дене палдарен.
2020 ийыште управленийын подразделенийлаштыже 420887 исполнительный производство лийын. Тидыже 2019 ий дене таҥастарымаште 10,5%-лан шукырак. 170586 исполнительный производствым петырыме. Ты показатель 2019 ий деч 8%-лан шукырак. Пашадарым да алиментым тӱлымылан поснак кугу тӱткышым ойырат. Тыге 2020 ийыште 48 млн теҥгем тӱлыктеныт.
Пресс-службын сайтше гыч налме фото.