Марий Эл гыч режиссёр-постановщик Степан Пектеев Bema премийым «Лучшая визуальная инсталляция» номинацийыште сеҥен налын.
Best experience marketing awards – тиде событийный маркетинг ден интегрированный коммуникаций индустрийын кажне ийын эртаралтше профессионал премий.
Степан Пектеевын шындыме «Йыван Кырла. Путевка в жизнь», «Folks», «Зимняя сказка», «Гамлет. Машина. Цемент», «Паяцы», «Ваня чӱчӱ» да моло спектакльже марий калыклан палыме улыт.
Степан Васильевичым республик деч ӧрдыжтат палат. Кызыт Тудо Санкт-Петербургышто Г.А.Товстоногов лӱмеш Кугу драме театрыште тырша, тыгак Россий мучко театр-шамыч дене пашам ышта да спектакль-влакшым шында. 2019 ийыште Российын эн сай самырык режиссёр-влакын спискышкышт пурен.
Фото: Союз театральных деятелей Марий Эл